अनाथ/गरीब चले/चलयां खातीर आयपीए (प्रोवेदोरिया) वतीन चलयिल्लें आझील.
प्रोवेदोरिया 10 वृध्दाश्रम आनी 02 भुरग्यां खातीर केंद्रां चलयतात ती सकयल दिल्ले प्रमाणें आसात.
- चिंबल
- म्हापशें
- कांदोळीं
- आल्तीन, पणजी
- साळगांव
- व्हडलें गोंय (चलयां खातीर),
- कांदोळी (चल्यां खातीर) उत्तर गोयांत
- मडगांव
- माजोर्डा
- लोटलीं
- कुंकळ्ळी आनी
- 300 रहिवाश्यांची क्षमता आशिल्लें दक्षीण गोंयचें चिचोणें
इमारत, ठिकाण, इतिहास आनी आझील/केंद्राचें तपशील
- मडगांवचे आझील
1978 वर्सा सर्गेस्त अरिस्तीदीस दा कॉश्ता हांका समर्पीत, तांच्या इश्टांनी ताची याद तिगोवन दवरपा खातीर आल्बेरी दो साग्रादो कोरासांव दे जेजूस हें वृध्दां खातीर आझील सुरू केल्लें.1867 वर्सा फा. आंतोनियो जुवांव मिरांद हाणे स्थापन केल्ल्या हॉस्पिशियो हॉस्पिटला वरवीं ह्या आझीलाचो कारभार चलयलो. हें मुळांत स्मशान रस्त्यार प्रवेशदारा सयत आशिल्लें आनी हॉस्पिशियोक जोडिल्ले.
आल्बेरी 1972 वर्सा बेर्नाद दा कॉश्ता रस्त्या वयलें मुखेल प्रवेशदारा सयत ताच्या सद्याच्या इमारतींत स्थलांतरीत केल्ले आसा.
प्रशासन 1.1.1977 दिसा प्रोवेदोरियान ताबो घेतलो आनी तेन्ना सावन ते आता मेरेन ते 60 निवाशांच्या तांकी सयत प्रोवेदोरिया वरवीं चलयता. सध्या वट्ट 50 निवासी आसात. 27 बायलो आनी 23 दादले.
- माजोर्डेचें आझील
हो आझील कालाटाच्या शांत आनी पाचवेंचार गांवांत आसा. हें पुर्तुगेज शैलीचें पोरणें आकर्शीत आलिशान राजवाड्याचें घर, मुळांत श्री. पेद्रो पावलो गुदिन्य आनी आफोन्स गुदिन्य ह्या गांवच्या नामनेच्या घराण्यांचें मूळ घर आसले. ह्या घराच्या सरभोंवतणी एक सुखद सोबीत पाचवेंचार माडांचीं आनी आंब्याचीं बाग आसा. 28.10.1954 वर्सा ही सुवात परोपकारी आनी नम्र पाद्री रेव. मो. मॅक्सी गुदिन्य हाणें प्रोवेदोरियाक दान केल्ली.
ह्या घराच्या इतिहासा विशीं थोडें अदीक जाणून घेवपाचें म्हणल्यार श्री. पेद्रू पावलो गुदिन्य घर सोडून गेलो ते खातीर श्री. आफोन्स गुदिन्य हो एकलोच मालक जालो.
ताचे वंशज पोर्तुगालांत स्थायीक जाले आनी भाराची वसुली जावची म्हूण दिवाणी न्यायालयांत भौशीक लिलावांत मालमत्ते सयत घर विकले. त्या घरांत जल्माक आयिल्लो मो. गुदिन्य हांकां दिसलें की मानवतावादी हेतू खातीर घराचो वापर करूंक शकतात. ते खातीर ताणें घर परत विकतें घेवंक जाय.
ताणें तें परत विकतें घेतलें आनी पुराय नुतनीकरणा उपरांत त्या वाठारांतल्या लोकांच्यो गरजो पुराय करपा खातीर भलायकी केंद्र सुरू करपाची अट घालून धर्मादाय माद्रींक दिलें. घातिल्ली अट आदातान संकलीत करूंक नाशिल्ल्यान, ती काडून उडयली आनी प्रोवेदोरियाक दिली.
प्रोवेदोरिया ह्या घरांत फकत बायल जेश्ठ निराधार, दिव्यांग, दुयेंती आनी वेगवेगळ्या पंथातले आनी जातींतले जेश्ठ नागरीक तशेंच गोंय राज्याच्या सगळ्या संबंदितांक सांबाळून घेता. ही एक सुवात जंय निवासी तांच्यो मुलभूत गरजो जशे की जेवण, वखदां, कपडे आनी हेर आध्यात्मीक मार्गदर्शना सयत दितात. ह्या घराची तांक 40 आसा आनी सध्याक 27 बायलांनी ह्या घरांत आश्रय घेतला.
- कुंकळ्ळीचें आझील/ केंद्र
3. कुंकळ्ळीचें आझील/ केंद्र
कुंकळ्ळीं केंद्राची स्थापना लोक सहायता संस्थेन केली आनी ताचें उक्तावण 3 मार्च 1966 ह्या दिसा आमचे सर्गेस्त संचालक श्री. अनंत कामोतीन हांच्या हस्तुकीं जालें.सुरवातीक, कुंकळ्ळीं केंद्राची बुन्याद घालपाचो एकूच उद्देश म्हणल्यार तांच्या अविवाहीत आवयांनी आनी गरिबीन त्रासांत पडिल्ल्या आवय-बापायन सोडिल्ल्या अनाथ भुरग्यांचो विकास, मोग, काळजी, संरक्षण, शिक्षण आनी तांच्या सर्वांगीन विकासाच्यो गरजो पुराय करप.
हांगा शिक्षण आनी प्रौढत्व प्राप्त केल्या उपरांत सगळ्या भुरग्यांक आमच्या प्रोवेदोरिया सयत वेगवेगळ्या गोंय सरकारी विभागीय कार्यालयांनी नोकर्यो दिल्ल्यो, चडशे जाण नोकरी मेळटकच हें केंद्र सोडून आपले जोडिदारा लग्न जाले आनी अशे तरेन आपलीं घरां आनी कुटुंबां स्वता सांबाळ्ळीं.
1985 सावन हें केंद्र वृध्द आनी निराधार दादल्यांक आनी बायलांक सेवा दिता आनी सध्याक 40 निवासी क्षमते सयत 9 दादले आनी 13 बायलां निवासी आसात.
- चिंचोणेंचें आझील/केंद्र
हें केंद्र साश्टीच्या एका व्हडल्या गांवांत म्हणल्यार चिचोणें हांगा आसा. हें घर मुळांत सर्गेस्त श्री. पाशाव रुद्रिगीश हांचें आशिल्लें. कुटुंबाच्या दुर्दैवी परिस्थितीक लागून मालमत्ता आनी भात-शेता वांगडा हें घर 1885 वर्सा “असोसिएशन दे कारिदाद दे चिंचोणें” (चॅरिटी असोसिएशन ऑफ चिंचोणें) हाच्या ताब्यांत आयलें आनी ताणें तें 21.3.1980 ह्या दिसा प्रोवेदोरियाक दान केलें.
सुरवेक हें केंद्र आसरो, जेवण, कपडे आनी शिक्षण दिवन व्हड जाल्ल्या अनाथ भुरग्यांचो (6 वर्सां आनी ताचे परस वयलो गट) सांबाळ करतालें. पुनर्वसन जाले उपरांत निवासी आपल्या जिवितांत स्थीर जातात.
सध्या हें केंद्र वृध्दां खातीर घरांत रुपांतीत जाला, जातूंत वृध्द निराधार आसरो घेतात. सद्या 15 दादले आसरो घेतात.
- लोटलेचें आझील
लोटलीचे वकील जुवांव विन्सेंत दे फिग्रेद हाणें जमनिची मालमत्ता विकत घेतली आनी हांच्या ह्या उदारते खातीर हें आझील अस्तित्वांत आयले जे 10 नोव्हेंबर 1955 हे दिसा फकत वृध्दां बायलां खातीर उक्तें केले. 10 मे 1956 दिसा हाचे उक्तावण गव्हर्नर जनरल पॉल बर्नाद गुदी हांच्या हस्तुकी केले. हे वेळार पूर्व भारताचे गव्हर्नर जनरल डॉन जुझे वियेरा आल्वेर्नाज पात्रियाक, तात्कालीन नागरी सेवा संचालक डॉ. जुझे आंतोनियो इस्मायल ग्राशियस (लोटलीं) हाजीर आशिल्ली.उपरांत लोटलींचे रेव. मो. सेबास्तियांव कायतान दे पियेदाद कोता हाणें आपली पुराय मालमत्ता आपल्या स्वताच्या सोयर्याच्या सांगण्या वयल्यान आल्बेरीक दान केली आनी कॉपेल आनी दुसरे विंग बांदलें. ताणें सेंट मारिया मागदालेनाक आझिलाचो आश्रयदातो केलो. हें फेस्त दर वर्सा 22 जुलयाक मनयतात.
दादल्यां खातीर आशिल्ल्या ह्या नव्या विंगाचे उक्तावण 12 फेब्रुवारी 1961 ह्या दिसा ताचो गव्हर्नर जनरल वासालो सिल्वा हांचे हस्तुकीं जालें. डॉ. जुझे द सिल्वा पेरेर हे प्रोवेदोरियाचे तत्कालीन संचालक आशिल्ले.
ह्या घरांत 40 जाणांक रावपाक मेळटा आनी सध्याक ह्या आझिलांत 23 बायलांक आसरो दिला.
- म्हापशेचे आझील
लोक सहायता संस्था (प्रोवेदोरिया) ही गोंयच्या जायत्या वृध्दाश्रमाची देखरेख करता. हातूंतलीच एक सुवात म्हणल्यार चिंबलाचें वृध्दाश्रम. आश्रयाची इमारत 1982 वर्सा बांदिल्ली. प्रोवेदोरियान हो वृध्दाश्रम ताब्यांत घेवचे पयलीं आसरो नाशिल्ल्यांक आनी जांचे कडेन येणावळीचें कसलेंच स्त्रोत नाशिल्ल्यांक वा तांची जतनाय घेवपाक कोणूच सोयरी नाशिल्ल्यांक वा जांच्यांनी तांका सोडून दिला अश्या वृध्द लोकांची राखण करचे खातीर प्रोवेदोरियाक भलायकी खातें दिल्लें.
ह्या आझिलाची क्षमता 80 आसा. तशेंच सरकारान ह्या केंद्राक भरती केंद्र आनी भिकार्या खातीर प्रमाणीत संस्था म्हूण जाहीर केलां.
सध्याक ह्या वृध्दाश्रमांत 28 दादले आनी 32 बायलो मेळून वट्ट 60 निवासी आसात. तांचे कडेन सतत लक्ष दिवपाची आनी जतनाय घेवपाची गरज आसता जी ह्या केंद्राची कर्मचारी करतात.
लोक सहायता संस्था (प्रोवेदोरिया) तांची भलायकी पळयता आनी मरण आयल्यार तांचे सोयरे फुडें येवंक ना जाल्यार प्रोवेदोरिया वतीन निमाणे संस्कार करतात. ह्या निवाश्यांचे सांबाळ करपा खातीर आनी कल्याणकारी कामा खातीर प्रोवेदोरियान गरजेच्या कर्मचार्यांची नेमणूक केल्या.
- चिंबलाचें आझील
लोक सहायता संस्था (प्रोवेदोरिया) ही गोंयच्या जायत्या वृध्दाश्रमाची देखरेख करता. हातूंतलीच एक सुवात म्हणल्यार चिंबलाचें वृध्दाश्रम. आश्रयाची इमारत 1982 वर्सा बांदिल्ली. प्रोवेदोरियान हो वृध्दाश्रम ताब्यांत घेवचे पयलीं आसरो नाशिल्ल्यांक आनी जांचे कडेन येणावळीचें कसलेंच स्त्रोत नाशिल्ल्यांक वा तांची जतनाय घेवपाक कोणूच सोयरी नाशिल्ल्यांक वा जांच्यांनी तांका सोडून दिला अश्या वृध्द लोकांची राखण करचे खातीर प्रोवेदोरियाक भलायकी खातें दिल्लें.ह्या आझिलाची क्षमता 80 आसा. तशेंच सरकारान ह्या केंद्राक भरती केंद्र आनी भिकार्या खातीर प्रमाणीत संस्था म्हूण जाहीर केलां.
सध्याक ह्या वृध्दाश्रमांत 28 दादले आनी 32 बायलो मेळून वट्ट 60 निवासी आसात. तांचे कडेन सतत लक्ष दिवपाची आनी जतनाय घेवपाची गरज आसता जी ह्या केंद्राची कर्मचारी करतात.
लोक सहायता संस्था (प्रोवेदोरिया) तांची भलायकी पळयता आनी मरण आयल्यार तांचे सोयरे फुडें येवंक ना जाल्यार प्रोवेदोरिया वतीन निमाणे संस्कार करतात. ह्या निवाश्यांचे सांबाळ करपा खातीर आनी कल्याणकारी कामा खातीर प्रोवेदोरियान गरजेच्या कर्मचार्यांची नेमणूक केल्या.
- कांदोळीचें आझील
1951 वर्सा श्री. फर्नांदो दा कुन्य पिन्यू हाणें आय. पी. ए. (प्रोवेदोरिया) कांदोळीची सध्याचे आझिलाची इमारत दान केल्ली. ह्या आझिलांत फकत दादल्यांक आसरो मेळटा. ह्या आझिलाची तांक 40 आसा. सध्या हांगा 19 निवासी आसात. कांदोळीं हो गांव पर्यटना खातीर फामाद आसा आनी जायते पर्यटक ह्या आझिलांत येवन निवाश्यांक भेट दितात.ह्या आझिलांत आसरो घेवपी दोन निवासी म्हणल्यार श्री.अँथनी लोपेस हो एक दृश्टीहीन निवासी आनी श्री. भाधुर नांवाचो पोलिओन परिणाम जोल्लो निवासी हे कॅनिंग कामाचे तज्ञ आसात. हें दोगूय बरे तरेन काम करतात ते खातीर तांका चडशें सरकारी काम सोंपयलां.
- रेशॉलिमेन्तो दे सेरा
रेशॉलिमेन्तो दे सेरा हें आल्तीन स्थीत आसा. सांता काजा दे मिसेरीकॉर्दिया हाणें विधवा आनी निराधार भुरग्यांक आसरो दिवपा खातीर ह्या आझिलाची स्थापना केल्ली. मुक्ती उपरांत ह्या आझिलाचें वेवस्थापन भलायकी सेवा संचालनालया कडेन सोंपयलें. 1968 वर्सा ह्या आझिलाचो ताबो लोक सहायता संस्था (प्रोवेदोरिया) दिलो. त्या वेळार ह्या आझिलांत मोजकेच निवासी रावताले. प्रोवेदोरियाक निवासी जतनाय घेवपाक सांगलें.सध्याक प्रोवेदोरिया हे वृध्द आनी निराधार बायलां खातीर चलयता. ह्या आझिलाची क्षमता 25 आसा. सध्याक 16 निवासी आझिलांत आसात.
पुराय गोंया खातीर रेशॉलिमेन्तो दे सेरा बेघर लोकांक रातचो निवारो म्हूण शासकीय राजपत्र शृंखला I क्रमांक 45 तारीख 03/02/2011 प्रकाशीत अधिसुचोवणी क्र.5(1)2011/PPA/2843 तारीख 17 जानेवारी 2011वरवीं जाहीर केला. तशेंच, घरगुती हिंसाचारान बायलांक संरक्षण अधिनेम 2005 आनी नेम 2006 अंतर्गत घरगुती हिंसाचारा पासून बायलांक राखण करपा खातीर आसरो म्हूण शासकीय राजपत्र शृंखला I क्र. 28 तारीख 11/10/2007 (अश्विनी 19,1929) अंतर्गत अधुचोवणी क्रमांक2-104(12)2006/DW&CD/Part/I/1153 तारीख 8 ऑक्टोबर, 2007 वरवीं जाहीर केले.
- विक्टर दा गामा निवृत्त आवास
गोंयचें साळगांवचे, “ओबॅचेम येरीक” जाका “केबॅचेमी येरीक” अशेंय म्हणटात, ती मालमत्ता (1) श्री. जुझे कायतान वालेंतीन दा गामा, (2) श्रीमती मारिया जेनेरोसा पामेला दा गामा, साळगांव, बार्देश गोंय हांणी 11/03/2013 हे दिसा आयपीए (प्रोवेदोरिया) हांकां, वृध्द लोकांची काळजी घेवपा खातीर आयपीए (प्रोवेदोरिया) वरवीं प्रदान केल्ल्या सेवेच्या अनुशंगान दान केला.
27/02/2014 ह्या दिसा उक्तावण जाल्या “विक्टर दा गामा निवृत्ती आवास” चो वापर ज्येश्ठ नागरिकांक रावपा खातीर जावचो अशी तांची इत्सा आसा. मानादीक मुख्यमंत्री आनी प्रोवेदोरियाच मंत्री श्री. मनोहर पर्रीकार हांचे हस्तुकीं हाचें उक्तावण जाले, तशेंच मानादीक पर्यटन मंत्री श्री. दिलीप परुळेकार, साळगांव ग्राम पंचायतीचे सरपंच श्री. एकनाथ ओरस्कार, प्रोवेदोरियाचे सचीव श्री. पवन के सैन आनी प्रोवेदोरियाचे संचालक श्री. पी. के. पाटीदर हेवूय हाजीर आशिल्ले.
सरासरी आय.पी.ए. (प्रोवेदोरिया) दर एका निवासीच्या जेवणाचेर दर म्हयन्याक 1,800/- रुपया खर्च करता. तशेंच कपडे, पलंग आदी वस्तू फुकट दितात. तांची भलायकी पळोवपा खातीर प्रोवेदोरिया कडल्यान मानद दोतोराची नेमणूक केल्या आनी सगळीं वखदां प्रोवेदोरिया फुकट पुरवण करता. ह्या निवासीच्या मनरिजवणे खातीर तांकां टी.व्ही., रेडिओ/संगीत, खेळ जशे कॅरम, फुटबॉल, पत्ते आनी खबरांपत्रां, कादंबरी आनी धर्मीक पुस्तकां आदी दितात जाका लागून तांका स्वताक मेळटलो. आय. पी. ए. (प्रोवेदोरिया) तांची भलायकेची काळजी घेता आनी मरण आयल्यार तांचे सोयरे मुखार येवंक ना जाल्यार प्रोवेदोरिया ताचे निमाणें संस्कार करतात. ह्या निवाश्यांचो सांबाळ करपा खातीर आनी तांच्या कल्याणा खातीर प्रोवेदोरियान कर्मचार्याची नेमणूक केल्या.
भुरग्या खातीर आश्रय घर
- व्हडलें गोंयचो केंद्र.
हें व्हडलें गोंयचें अनाथाश्रम अनाथ आनी बिगर अनाथ चलयांक आसरो, शिक्षण दिवपाचें काम करता. जायते फावटी अपरिहार्य परिस्थितीक लागून जशें कुश्टरोग, कर्करोग, क्षयरोग आदी गंभीर दुयेंसाक लागून वा कमोवपी सदस्याक बंदखण वा अर्थीक समस्येक लागून पालक आपल्या भुरग्यांक सांबाळपाक अपेशी थारतात अश्या चलयांक ह्या केंद्रांत प्रवेश दिवन एस. एस. सी. मेरेन फुकट शिक्षण, जेवण, वखद, कपडे आदी दितात. एस. एस. सी. उपरांतूय चलयांक स्वताक आदार दिवपाक तांच्या योग्यताये प्रमाण फुडले शिक्षण घेवपाक प्रोत्साहन दितात. तशेंच चलयांक फुलां तयार करपाक, भरतकाम आदी शिकयतात. सध्या हांगा 15 चलयो आसात. - कांदोळींचें केंद्र
कांदोळीचे अनाथाश्रम हे चले भुरग्यां खातीर आसा. 1957 हे वर्सा सर्गेस्त श्रीमती लुईजा दे सौझा हिणें हो वाठार संस्थेक दान केल्लो. हें सांगपाक खूब खोस भोगता की ह्या घरांत नामनेचो सम्मोहन तज्ञ श्री. आबे दे फारीया हांचो जल्म जाल्लो. ह्या केंद्राचें बळगें 40 आसा. सद्या ह्या केंद्रांत 20 भुरगे आसात जे कांदोळींच्या लागीच्या शाळांनी शिकतात.ही संस्था तांकां शाळेचीं पुस्तकां, स्टेशनरी, कपडे, जेवण आदी सगळ्यो सुविधा दितात. हे विद्यार्थी एस. एस. सी. पास जाले उपरांत विद्यार्थ्यांचे प्रतिभेचेर आदारून तांकां उच्च शिक्षणा खातीर प्रोत्साहन दिता.
1996 वर्सा ह्या केंद्रांतलो एक विद्यार्थी श्री. सय्यद शेख एस. एस. सी. बरे गूण घेवन पास जालो. सद्या तो पणजेच्या सरकारी पॉलिटेक्निकांत शिकता. ताच्या शिक्षणाचो तशेंच ताच्या आश्रयाचो सगळो खर्च ही संस्था करता.